Зохиолч Г.Аюурзана нь өнөөгийн нийгмийн хуваагдал, сэтгэлгээний өөрчлөлт, үндэсний онцлог шинжийн тухай асуудлыг хүчтэй хөндөж, олон нийтийн гүн ухааны боловсролд шинэ өнгө нэмж буй оюунлаг дуу хоолой билээ. Өнөөгийн дэлхийд хэрхэн Монгол хүний эрхэм чанарыг шингээсэн хариуцлагатай иргэн байх тухай хамтдаа эргэцүүлэн, Монгол судлал, үндэсний үзэл, гүн ухааны нэгдэл бүхий онцгой яриаг өрнүүлнэ.  

1970 онд Баянхонгор аймгийн төвд төрсөн. 1988-1994 онд ОХУ-ын Москва хотноо М.Горькийн нэрэмжит Утга зохиолын дээд сургуульд суралцаж төгссөн. 2007 онд АНУ-ын Айовагийн их сургуулийн Олон улсын уран зохиолын хөтөлбөрт хамрагдсан.

“Цаг хугацаа амсхийх зуур”, “Философийн шүлгүүд”, “Non Plus Ultra”, “сэтгэл рүү шагайгч Түүнд”, "Бясалгал", "Арван зургаан давхрын аглагт", "Шидийн барилдлага" зэрэг яруу найргийн номууд,  “Дурлалгүй ертөнцийн блюз”, “Амь тавьж буй шувууны далавч”, "Дурлал зохион бүтээгч" богино хэлбэрийн хүүрнэл зохиолуудын эмхэтгэл, “Гурамсан цадиг”, “Бөөгийн домог”, "Шүгдэн", "Цагаан Хар Улаан", "Судасны чимээ", "Сахиуст Хангайн нууц", "Өчигдөр уулзъя (Бүрлээчийн монолог)", "Сүнсний томьёо", "Тэдний сүүдэр бидний сэтгэлээс урт" романууд хэвлүүлсэн.

Философи-уран сайхны сэтгэлгээний “Шинэ үеийн номын сан” цувралыг санаачлан “2х2=6 буюу Суут жаран сэтгэгч”, “Орчин цагийн аугаа их сэтгэгчид”, “Зэн-буддизм: Амьдралаас ангижрахуй” зэрэг 10 боть ном гаргасан.

Үндэсний утга зохиолын шилдэг өвийг хамарсан “Монголын сонгомол яруу найраг”, “Монголын сонгомол өгүүллэг” антологууд эрхлэн гаргаж, “Дэлхийн сонгомол яруу найраг”, “Дэлхийн сонгомол өгүүллэг” антологуудыг орчуулж, мөн "Монголын нууц товчоон"-ыг өөрийнхөөрөө тайлбарласан "Тэнгэрийн судар" хэмээх судалгааны эсээ хэлбэрийн номоо олны хүртээл болгосон.

Түүнчлэн Францын философич Мишэль дө Монтэнийн эсээнүүдийг “Сонгомол эсээнүүд” нэрээр, АНУ-ын нэрт зохиолч Уильям Фолкнерын шилдэг тууж, өгүүллэгийн номыг “Өвгөд” нэрээр, Аргентины сод зохиолч Хорхэ Лүис Борхэсийн шилдэг өгүүлэгийн түүврийг “Хоёр хаан, хоёр хонгил” нэрээр, Францын зохиолч Жан-Поль Сартрын “Үг” тууж, мөн Америкийн өнөө цагийн яруу найргийн төлөөлөл болгож Кристофер Меррилийн “Татлага, түрлэг” түүврийг, орос хэлт буриад яруу найрагч Сергей Тумуровын "Хүннү ууланд нойрсогч өвс" түүврийг тус тус орчуулжээ. 

Беркли дэх Калифорнийн их сургуулийн профессор Девид Галлахер хиймэл оюун ухааны гол концепц, сүүлд гарсан шинэчлэлүүд, хиймэл оюунд суурилсан бизнесийн шинжилгээнд өгөгдлийг хэрхэн ашиглах, шаардлагатай хэрэгсэл, төлөвлөлт зэрэг сэдвээр ярилцана.

Профессор Девид Галлахер бизнесийн салбарт хиймэл оюун ухааны учруулах өөрчлөлтийн талаар удирдах түвшний ажилтнууд болон профессоруудад сургалт явуулдаг бөгөөд 35 жилийн турш удирдлагуудад зөвлөх үйлчилгээ үзүүлсэн. Америкийн хэд хэдэн томоохон корпорациуд, хамгийн сүүлд T Mobile компанид  корпорацийн түвшинд болон бүс нутгийн түвшинд  олон үүрэг гүйцэтгэж ажилласан. Компанийг өөрчлөх зорилготой Reinvent хэмээх холимог багийн ажиллагаа, том төсөл, өөрчлөлтийн төслийг хамарсан хөтөлбөрийг ахалж байсан. Тэрээр системийн интеграци, шинэ технологи нэвтрүүлэх, технологийн ашиглалтаас бизнесийн үр дүнд хэрхэн хүрэх тухай арвин туршлагатай.